 |
Web Hosting by Netfirms | Free Domain Names by Netfirms |
|
|
|
|
गजल -बुद्धिसागर चपाईँ
हामीलाई त पित्तल पनि सुन जस्तै लाग्छन् माथिमाथि बस्ने जति जूनजस्तै लाग्छन् ।
झर्नुहुन्न भन्दाभन्दै झरिदिन्छन् आँखाबाट हामीलाई त खुसी पनि मनसुनजस्तै लाग्छन् ।
होली चल्यो रगतको पहाडदेखि तराईसम्म आजभोलि हरमौसम फागुनजस्तै लाग्छन् ।
खोजी-खोजी हत्केलामा मिचीमिची मारे हुन्छ जनता जब चामलका घुनजस्तै लाग्छन् ।
हाम्रो भन्नु पसिना हो, अरू सबै हजुरैको हजुरले जे बोले 'नि कानुनजस्तै लाग्छन् । -अनामनगर, काठमाडौँ
|
